Президент Павлодар – Астана тұрақты әуе қатынасын қалпына келтіруді тапсырды

Павлодар облысы жұртшылығымен кездесуде сөйлеген сөзінде мемлекет басшысы Қасым-Жомарт Тоқаев үкіметке жыл соңына дейін Павлодар – Астана бағыты бойынша тұрақты рейстерді қалпына келтіруді тапсырды, деп хабарлайды Zakon.kz.

Сондай-ақ президент жергілікті әуежайдың ұшу-қону жолағын жөндеу мәселесін пысықтау керек екенін айтты.

Павлодар облысының экономикасын дамытуға өзге өңірлермен әуе қатынасын орнату айрықша ықпал ететіні анық. Қазір облыс орталығынан Астананың өзіне тікелей ұшақ ұшпайды. Үкімет жыл соңына дейін Павлодар – Астана бағытындағы тұрақты әуе қатынасын қалпына келтіруі керек. Қасым-Жомарт Тоқаев

5 қазанда мемлекет басшысы жұмыс сапарымен Қарағанды ​​облысынан Павлодар облысына келді.