Тоқаев Режеп Тайип Ердоғанды елорда әуежайында күтіп алды

Ақорда мемлекет басшысы Түркия Республикасының президентін күтіп алған сәтінен видео жариялады, деп хабарлайды Zakon.kz.

Қасым-Жомарт Тоқаев Қазақстанға мемлекеттік сапармен келген Түркия Республикасының президенті Режеп Тайип Ердоғанды елорда әуежайында күтіп алды, - делінген Ақорда хабарламасында.

Түркия Республикасының президенті Режеп Тайип Ердоған Қазақстанға мемлекеттік сапармен келді.

Айта кетейік, бүгін Қатар Әмірі шейх Тәмим бен Хамад Әл Тәни Қазақстанға мемлекеттік сапармен келді. Оны "Ақорда" резиденциясында салтанатты түрде қарсы алу рәсімі өтті. Кейіннен Қасым-Жомарт Тоқаев Қатар Әмірімен шағын құрамда келіссөз жүргізді.