Тоқаев қауіпті жағдайда ерлігімен ерекше көзге түскен екі азаматты марапаттады

Мамыр айында Астанада 37 жастағы Сәбит Шоңтақбаев кішкентай қызды өлімнен құтқарып қалды. Ол терезеге шығып, өз өмірін қатерге тігіп, құлап бара жатқан қызды қолымен ұстап қала алды.

Шоңтақбаевтың ерлігі ТЖМ мен қалалық әкімдікте атап өтілді. Сондай-ақ, жеке қайырымдылық қорының бірі құрылыс компаниясымен бірлесе отырып, оған елордадағы тұрғын үй кешенінен үш бөлмелі пәтер сыйлады.

Бүгін Сәбит Шоңтақбаевқа Ақордада Қасым-Жомарт Тоқаев өз қолымен "Ерлігі үшін" медалын табыстады.

Тамыз айында Алматыда 23 жастағы Райымбек Медетбек пен оқиға куәгерлерінің әрекеттерінің арқасында бұрынғы әйеліне пышақ ала жүгірген ер адамды залалсыздандыру мүмкін болды.

Алматы қаласының әкімі Ерболат Досаев оған батылдығы , ерлігі және белсенді азаматтық ұстанымы үшін алғыс білдірді. Ол батырға алғыс хат пен құнды сыйлық берді.

Бүгін Райымбек Медетбекке де Қасым-Жомарт Тоқаев "Ерлігі үшін" медалын табыстады.

Оқи отырыңыз

Тоқаев Шыңжаң-Ұйғыр автономиялық ауданы ҚКП партия комитетінің хатшысымен кездесті

15:01, 27 наурыз 2023

Мемлекет басшысы аралас жекпе жек шебері Шавкат Рахмоновты қабылдады

11:19, 27 наурыз 2023

26-27 сәуірде Қазақстан халқы Ассамблеясының XXХІI сессиясы өтеді

09:04, 27 наурыз 2023