Өзбекстан президенті Тоқаевты сайлаудағы жеңісімен құттықтады

Ақорда Қасым-Жомарт Тоқаев Өзбекстан Республикасының президенті Шавкат Мирзиёевпен телефон арқылы сөйлескенін мәлімдеді, деп хабарлайды Zakon.kz.

Өзбекстан президенті Шавкат Мирзиёев Қасым-Жомарт Тоқаевты Қазақстан Республикасының кезектен тыс Президент сайлауындағы айқын жеңісімен құттықтады, - делінген Ақорда хабарламасында.

Мемлекет басшысы бүгінде екі ел арасындағы қарым-қатынас қарқынды дамып келе жатқанын және стратегиялық серіктестік деңгейіне толық сай келетінін атап өтті.

Президенттер қазақ-өзбек стратегиялық серіктестігі мен одақтастығының қазіргі жағдайын және даму перспективаларын талқылады. Сонымен қатар алдағы кездесулердің кестесін қарастырды.