Қазақстандықтар Президенттің ұлықтау рәсімін тікелей эфирде тамашалай алады
![Қазақстандықтар Президенттің ұлықтау рәсімін тікелей эфирде тамашалай алады, сурет - Zakon.kz жаңалық 25.11.2022 11:30](https://kaz.zakon.kz/pbi/WEBP/2023-12-20/file-fa0ad8af-6922-4878-92c2-1dba10b08cc1/800x451.webp)
26 қарашада Қазақстан президенті Қасым-Жомарт Тоқаевты ұлықтау рәсімі өтеді, деп хабарлайды Zakon.kz.
Ертең, 26 қараша күні ҚР президенті Қасым-Жомарт Тоқаевты салтанатты ұлықтау рәсімінің трансляциясы республикалық телеарналардан, интернет-ресурстардан, сонымен қатар "Ақорданың" әлеуметтік желілердегі ресми аккаунттарынан тікелей эфирде көрсетіледі. Көрсетілім Астана уақыты бойынша сағат 10:50-де басталады, - делінген Ақорда хабарламасында.
Қазақстандағы кезектен тыс президент сайлауы 2022 жылдың 20 қарашасында өтті. Оған алты үміткер, оның ішінде қазіргі мемлекет басшысы Қасым-Жомарт Тоқаев қатысты.
ҚР Орталық сайлау комиссиясының төрағасы Нұрлан Әбдіров 2022 жылғы 22 қарашада ведомство отырысында елдегі президент сайлауының түпкілікті нәтижелерін жариялады. Сайлауда Қасым-Жомарт Тоқаев жеңіске жетті. Ол 81,31% дауыс жинады.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript