Тоқаев азаматтардың төлем қабілетін қалпына келтіру және банкроттығы туралы заңға қол қойды

Мемлекет басшысы азаматтардың төлем қабілетін қалпына келтіру және банкроттығы туралы заңға және Мемлекет басшысының жекелеген тапсырмаларын іске асыру мәселелері бойынша өзгерістер туралы заңға қол қойды, деп хабарлайды Zakon.kz.

"Мемлекет басшысы «Қазақстан Республикасы азаматтарының төлем қабілеттілігін қалпына келтіру және банкроттығы туралы» Қазақстан Республикасының Заңына қол қойды", - делінген Ақорда хабарламасында.

Сонымен бірге Қасым-Жомарт Тоқаев "Қазақстан Республикасының кейбір заңнамалық актілеріне Қазақстан Республикасы азаматтарының төлем қабілеттілігін қалпына келтіру және банкроттығы мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды.

Мемлекет басшысы оған қоса "Қазақстан Республикасының кейбір заңнамалық актілеріне Мемлекет басшысының жекелеген тапсырмаларын іске асыру мәселелері бойынша өзгерістер мен толықтырулар енгізу туралы" Қазақстан Республикасының Заңына қол қойды.

Заңдардың мәтіні баспасөзде жарияланады.