Тоқаев Конституциялық сот төрағасын қабылдады
![ҚР президенті, Конституциялық сот төрағасы, сурет - Zakon.kz жаңалық 20.02.2023 15:01](https://kaz.zakon.kz/pbi/WEBP/2023-12-20/file-20b45070-0c2e-4045-80ac-7dc2f73e0abf/800x450.webp)
20 ақпан күні мемлекет басшысы Қасым-Жомарт Тоқаев Конституциялық сот төрағасы Эльвира Азимованы қабылдады, деп хабарлайды Zakon.kz.
Кездесу барысында Президентке Конституциялық сот өз жұмысын бастағаны, өкілеттігін жүзеге асыруға кіріскені, сондай-ақ биылғы 1 қаңтардан бері азаматтардан келіп түскен өтініштер жөнінде мәлімет берілді, деп жазды Ақорданың ресми сайты.
Эльвира Азимова конституциялық іс жүргізуге қабылданған өтініштер мен конституциялық бақылау аясында жоспарланған шаралар туралы айтты.
Қасым-Жомарт Тоқаев конституциялық іс жүргізудің барлық сатысының ашықтығын және Конституциялық сотқа жүгіну тәртібі туралы азаматтардың хабардар болуын қамтамасыз етудің, сондай-ақ Ата заңның сақталуына бақылауды күшейтудің маңызды екенін атап өтті.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript