Заңгер жылжымайтын мүлікті сыйға тартудың зейнеткерлер үшін қауіпті тұстарын атады
pixabay.com
Қарт адамдар сыйға тарту шарты бойынша жылжымайтын мүлікті туыстарына беруді көбінесе жөн көреді, ал негізінен, мұндай тәсіл өте қауіпті, деп хабарлайды zakon.kz.
Бұл туралы заңгер Иван Соловьев Риа Недвижимостьке берген пікірінде айтты.
Маманның айтуынша, көптеген зейнеткерлер құжатқа қол қойып, өмірінің соңына дейін пәтерінде алаңсыз өмір сүремін деп үміттенеді. Бірақ туыстарының қандай мінез-құлық танытып, көзқарасының бір мезетте өзгеріп шыға келмесіне ешкім кепілдік бере алмайды.
Пәтерді сыйға тарту туралы келісімге қол қойғанда адамның бұдан былай оған құқығы жоқ екенін нақты түсінуі қажет, - деді Соловьев.
Ол бұл заңды құжат тек ерекше жағдайларда ғана жоюға болатынын еске салды. Пәтердің жаңа иесі сыйға тартушы адамға физикалық күш қолданып, зиян келтірген жағдайда ғана құжаттың ресми күші жойылмақ.
Адвокаттың айтуынша, қарт адамның өзін-өзі қорғаудың ең сенімді әдісі өсиетнама болып қала береді.
Жайна Тәттімбетова
