БҚО-да қашқын ресейлік азаматқа босқын мәртебесін беруден бас тартылды
Сурет: Zakon.kz
Наурыз айының соңында ол әскери бөлімнен қашып кетіп, шекараны заңсыз кесіп өткен. Ол мұндайға пацифистік сенімге (кез келген соғысты, зорлық-зомбылықты айыптау) байланысты барғанын айтты, деп хабарлайды "Мой город" порталы.
Сот істі ҚР ҚК 392-бабының 1-бөлігі - "Қазақстан Республикасының Мемлекеттік шекарасын қасақана заңсыз кесіп өту" бойынша қарады.
"Мен қашуға мәжбүр болдым, өйткені бейбіт адамдарды өлтіргім келмейді. Өткізу пункті арқылы өте алмаушы едім, төлқұжатым жоқ", - деді Игорь Санжиев сотта.
Мемлекеттік айыптаушы оған әскери билетпен де Қазақстан шекарасынан өте алатынын, ол да жеке басты куәландыратын құжат болып табылатынын айтты. Санжиев бұл туралы білмегенін жеткізді.
Сондай-ақ, сотталушы соттан өзінің өкініш білдіруіне, сондай-ақ мұқтаж жағдайда құқық бұзушылыққа баруға мәжбүр болуына байланысты келісімге келу амалын қолдануды сұрады.
Прокурор БҚО Еңбек және әлеуметтік қорғау департаментінің жанындағы комиссияның шешімін іске қосуды сұрады, онда Игорь Санжиевке босқын мәртебесін беруден бас тартылғаны көрсетілген.
Босқын мәртебесін беруден бас тарту жағдайына қатысты Санжиев қайта шағымдануға ниетті.
