Ақтөбеде полицейлер ақша бопсалаушы бір топ адамды ұстады

Полиция қызметкерлеріне облыс аумағында қылмыстық топтың ақша бопсалаумен айналысатыны туралы ақпарат келіп түсті, деп хабарлайды Zakon.kz.

Аталған тұлғалардың кәсіпкерден қомақты ақша сомасын бопсалағаны, сондай-ақ оларға Toyota Camry автокөлігін рәсімдеуді талап еткені анықталды.

"16 мамырда жедел-іздестіру іс-шараларын өткізу барысында полиция қызметкерлері Ақтөбе облысының төрт тұрғынын ұстады. Ұсталғандардан патрондар мен 2 травматикалық тапанша және пышақ тәркіленді", делінген хабарламада.

Аталған дерек бойынша Қазақстан Республикасы ҚК 194-бабы 3-бөлігі "бопсалау" бойынша сотқа дейінгі тергеу жұмыстары басталды.

 Ұсталғандар қамауға алынды.