Алматы облысында тапанша мен бірнеше оқ жасырулы орын анықталды

ҚАЖК және Алматы облысының ҚАЖ қызметкерлері ҰҚҚК басқармасымен бірігіп, тапанша мен оқтар жасырылған орынды анықтады, деп хабарлайды Zakon.kz.

Матаға оралған 9 калибрлі сериялық нөмірі өшірілген тапанша және жеті оқ Қарасай ауданының Қайрат ауылының аймағында тас астынан табылған.

Бұл факт Қарасай аудандық полиция бөлімінде тіркеліп, ҚР ҚК-нің 287-бабы бойынша қылмыстық іс қозғалды.

Сот баллистикалық сараптама тағайындалды.

Айта кетсек, биыл Алматы облысы мен Жетісу облысының ҚАЖ қызметкерлері 20-дан астам қару мен екі мыңнан астам түрлі калибрлі оқ-дәріні анықтап, тәркіледі.