Ақмола облысында ауыл тұрғынының үйінен қару-жарақ жасырылған қойма табылды

Экстремизмге қарсы іс-қимыл басқармасының қызметкерлері Зеренді ауданының Садовое ауылында жүргізілген жедел-іздестіру іс-шараларының нәтижесінде жергілікті тұрғынның үйінен қару-жарақтың жасырын қоймасы табылды, деп хабарлайды Zakon.kz.

Полициядағылар атап өткендей, Калашников АҚСУ-74 автоматы, 5,45 мм калибрлі 29 оқ және 16 калибрлі ТОЗ аңшылық тегіс ұңғылы мылтығы тәркіленді. Ауыл тұрғыны өзіне автомат пен оқтар қайтыс болған досынан, ал мылтық әкесінен мұраға қалғанын айтады. 

ҚР ҚК 287-бабы 3-бөлігі сотқа дейінгі тергеуді бастады. Тәркіленген қару баллистикалық сараптамаға жіберілді. Тергеу аясында ақмолалықтың айғақтары мұқият тексерілетін болады