Қайғылы жол апатына түрткі шымкенттік өмір бойына жүргізуші куәлігінен айырылды
Сурет: Zakon.kz
2022 жылдың көктемінде Toyota Alphard автокөлігінің жүргізушісі есірткіге масаң күйде Алматы-Ташкент-Термез тас жолының бойымен белгіленген жылдамдықтан асырып тыйым салынған бағдаршамға мән бермей жүйткіген. Әл-Фараби көшесінің қиылысынажеткенде ол Hyundai Starex көлігімен соқтығысқан. Соққыдан Toyota Alphard қарсы жолаққа шығып кетіп, Daewoo Gentra көлігін соққан. Салдарынан 3 адам оқиға орнында көз жұмды.
Полицейлер аталған жайтты ҚР ҚК-нің 345-1-бабы 4-бөлігімен СДТБТ-не тіркеді.
Оқиғаның барлық мән-жайын анықтап, сотқа дейінгі тергеп-тексеруді аяқтап, қылмыстық іс материалдарын айыптау актісімен бірге сотқа жолдады.
Сот үкімімен қылмыскер 8 жыл 6 айға бас бостандығынан айырылып, өмір бойына көлік құралдарын басқару құқығынан айырылды.
