БҚО-да мектеп директоры ата-аналардан жинаған ақшаны кері қайтарды
Сурет: astana.fizmat.kz
Батыс Қазақстан облысындағы мектептердің бірінің ата-аналары баспа құрылғыларының көмегімен аттестаттарды толтыру үшін ақша жинаған директордың үстінен сыбайлас жемқорлыққа қарсы қызметке шағымданды, деп хабарлайды Zakon.kz.
Astana TV-ның хабарлауынша, 20 маусымда "ANTIKOR Ortalygy" сервистік орталығында құзыретті органдар өкілдерінің қатысуымен кездесу өтті. Нәтижесінде 19 мамырда тапсырыс беруші (білім беру ұйымы) мен өнім жеткізуші ЖШС арасында мектепті бітіргені туралы аттестаттарды толтыру қызметі бойынша мемлекеттік сатып алу туралы шарт жасалғаны анықталды.
"Мемлекеттік сатып алуды өткізу кезінде тапсырыс беруші техникалық ерекшелікті елеусіз қалдырған, яғни ҚР Білім және ғылым министрінің 2007 жылғы 21 қарашадағы "Білім туралы құжаттарды рәсімдеу жөніндегі талаптарды бекіту туралы" бұйрығында басып шығару құрылғыларының көмегімен аттестаттарды толтыру көрсетілмеген. Осыған байланысты мектеп директоры "егер аттестаттың электронды түрде толтырылғанын қаласа, онда ата-аналар 1000 теңгеден ақша жинасын" деп нұсқау берген", делінген хабарламада.
Сыбайлас жемқорлыққа қарсы қызметтің араласуынан кейін түлектердің ата-аналарынан жиналған ақшалай қаражат кері қайтарылды. Жоғарыда аталған бұзушылыққа жол бергені үшін кінәлілер тәртіптік жауапкершілікке тартылды.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
