Қазақстанда обыр дертіне арналған күмәнді үндістандық дәрі-дәрмектер сатылымға шығып кете жаздаған

Контрафактілі өнім, сурет - Zakon.kz жаңалық 12.07.2023 19:07

Сурет: pixabay

ҚР Ұлттық қауіпсіздік комитеті еліміздегі дәріханаларда отандық дәрі-дәрмектер ретінде сатуға ұсынылмақ болған Үндістаннан келетін ірі көлемдегі дәрілік заттардың контрабандалық арнасын анықтады, деп хабарлайды Zakon.kz.

ҚР ҰҚК мәліметтері бойынша, дәрі-дәрмектер онкологиялық ауруларды емдеуге арналған.

Сондай-ақ, комитет тек 2022 жылы Қазақстанға 1 миллиард теңгеден астам сомаға тауар әкелінгенін хабарлады.

"Өндірісі өзгертілген контрафактілік өнім тегін медициналық көмектің кепілдік берілген көлемі шеңберінде одан әрі өткізуге арналған", делінген хабарламада.

ҰҚК аталған қылмыстық істің фигуранттары мемлекеттік аппараттағы байланыстарын пайдалана отырып, ақшалай сыйақыға жалған құжаттар жасатып, ол бойынша еліміздің медициналық мекемелеріне дәрілік заттарды өндіруге және одан әрі тасымалдауға рұқсат алуды жоспарлағанын баса атап өтеді.

"Қазақстандық өндіріс қаптамасы ішінде, нақтысында Үндістан территориясында өндірілген, тиісті дайындау технологиясы мен сапасы расталмаған белгісіз препараттар болған. Адам өмірінің құны, осылайша қаскүнемдердің қолындағы үлкен байлыққа айналды", - деп хабарлайды комитеттегілер.

Өткізілген жедел іс-шаралар қылмыстық іс субъектілерінің Біріккен Араб Әмірліктері мен Алматыдағы мүліктерін, сондай-ақ швейцариялық банктердегі қомақты қаражатты қамтитын шоттарын анықтауға көмектесті.