Түркістанда жұмыс беруші қол астындағы жұмысшысының атына онлайн несие рәсімдеп алған

Түркістан қалалық полиция басқармасының хабарлауынша, жергілікті тұрғын белгісіз біреу өз атынан онлайн несие рәсімдеп, алаяқтық жасағанын айтып арызданған. Келтірілген шығын көлемі – 1,5 млн теңге.

Полицейлер аталған фактіні ҚР ҚК-нің 190-бабы 2-бөлігі (Алаяқтық) бойынша тіркеуге алды. Тәртіп сақшылар ер адамды алдап, оңай жолмен олжа таппақ болған алаяқты ұстауға қатысты жедел-іздестіру іс-шараларды жүргізді. Нәтижесінде ол бір тәулік ішінде анықталып, полиция басқармасына жеткізді.

"Ол жәбірленушінің сауда дүкеніңдегі иесі, жергілікті тұрғын болып шықты. Тергеу барысында белгілі болғандай, ер адам қол астындағы жұмыс жасайтын қызметкерінен сауданың кіріс-шығыс есебін тексеремін деген сылтаумен оның телефонынан банк қосымшасы арқылы онлайн несие рәсімдеп алған. Ал қомақты қаржыны жеке бас пайдасына жаратып жіберген. Қазіргі таңда болған оқиғаға қатысты сотқа дейінгі тергеу амалдары жүргізіліп жатыр", делінген полиция хабарламасында. 

Оқи отырыңыз

Енді қазақстандықтар несие және сақтандыру тарихын онлайн қадағалай алады

15:21, 21 қараша 2024

Қазақстанда сұйытылған газдың көтерме бағасын сақтау жоспарлануда

14:27, 21 қараша 2024

Желідегі видео: Қарағанды облысында елді дүрліктірген әйел жауапқа тартылды

20:49, 20 қараша 2024