Алматыда заңсыз жұмыс істеген Нигерия азаматтары ұсталды

Алматы қалалық көші-қон қызметінің мәліметінше, Бостандық ауданындағы Қазақфильм ықшам ауданындағы шаруашылық корпустардың бірінен Нигерияның 4 азаматы анықталды, деп хабарлайды Zakon.kz.

"Олар еңбек қызметін заңсыз жүргізіп, қара жұмысшы болып жұмыс істеген. ҚР көші-қон заңнамасын бұзғаны үшін шетелдіктер әкімшілік жауапкершілікке тартылып, елден шығарылады". Алматы қаласы ПД баспасөз қызметі

Айта кетсек, бүгінде Алматыда жедел жағдайды жақсартуға, қоғамдық тәртіпті, жол қауіпсіздігін қамтамасыз етуге, заңсыз көші-қон деректерінің жолын кесуге және басқа да заңсыз әрекеттерді анықтауға бағытталған "Участок" жедел-алдын алу іс-шарасы өтіп жатыр