Ақтөбелік өз үйінің ауласынан зениттік қондырғының патронын тауып алды

Табылған зат тексеру барысында БТР зениттік қондырғысының 20 сантиметрлік патроны екені анықталды, деп хабарлайды Zakon.kz.

Өңірлік ПД баспасөз қызметінің хабарлауынша, 5 қыркүйекте 102 арнасына жергілікті тұрғын хабарласып, өз үйінің ауласында жер қазып жатып, бронетранспортердің патронына ұқсас затты тауып алғанын айтқан. 

"Оқиға орнына келіп жеткен жедел-тергеу тобы қажетті іздестіру іс-шараларын өткізді. Табылған зат тексеру барысында БТР зениттік қондырғыларының 20 сантиметрлік патроны екені анықталды. Осы факті бойынша сотқа дейінгі тергеп-тексеру басталды", делінген полиция хабарламасында.

Оқиғаның мән-жайы анықталып жатыр.