БҚО-да мемлекеттік шекараны заңсыз кеспек болған 95 адам құрықталды
Сурет: БҚО Өңірлік коммуникациялар қызметі
Cпикердің айтуынша, ұлттық қауіпсіздіктің өзекті мәселелерінің бірі – бұл бақылаусыз заңсыз көші – қон процестері. Осыған байланысты өңірде бірқатар іс-шаралар өткізіліп, Ұлттық қауіпсіздік комитетінің және шетелдік арнайы органдардың бірлескен іс-шараларының нәтижесінде заң бұзушылар анықталып, жауапкершілікке тартылуда.
"Олардың басым бөлігі Үндістан, Ауғанстан, Өзбекстан, Әзербайджан, Шри-Ланка сонымен қатар, Сомали елдерінің азаматтары. Аталмыш шекара кеңістігінде тәртіп бұзған шетел азаматтары Батыс Қазақстан облысының Ресей Фередарциясымен шекаралас аймағында ұсталып белгіленген тәртіпке сәйкес әкімшілік жауапкершілікке тартылған".ҚР ҰҚК Шекара қызметі БҚО бойынша департаментінің Шекаралық бақылау мамандарын даярлау бөлімінің аға офицері Мейрамгүл Бекболатқызы
Сондай-ақ шекара аймағында шекара режимiн және жекелеген жерлерде болу тәртiбiн бұзу ҚР Әкімшілік құқық бұзушылық кодексінің 510-бабына сәйкес 5,10 және 75 айлық есептік көрсеткіш мөлшерінде айыппұл қарастырылғаны нақтыланады. Осы кодекстің 514-бабына сәйкес ҚР Мемлекеттік шекара режимін бұзу 10 нан 50 айлық есеп көрсеткішінде айыппұл салу, 10 күнге әкімшілік қамауға алу немесе ҚР шегінен әкімшілік жолмен шығарып жіберу жаза түрлері қарастырылған.
"Бұл мемлекеттік шекара режимін бұзған тұлғаларға қолданылатын әкімшілік жаза түрі болса, мемлекеттік шекараны қасақана бұзу ҚР Қылмыстық кодексімен қаралып, сәйкесінше 392 және 394-баптарымен жауапкершілікке тартылады",- деді М.Бекболатқызы.
