Таразда жүргізуші куәлігін "сатушы" алаяқтарға қатысты сот үкімі шықты
Сурет: Zakon.kz/Максим Золотухин
Таразда мамандандырылған ХҚКО-ларда құжаттарды рәсімдеу кезіндегі заңға қайшы орын алған фактіге қатысты сот процесі аяқталды, деп хабарлайды Zakon.kz.
ҚР Сыбайлас жемқорлыққа қарсы іс-қимыл агентігінің Жамбыл облысы бойынша департаментінің мәліметінше, Тараз қаласының №2 сотының үкімімен Ж.Е.Мамырайымов пен Е.Б.Дәулетке алаяқтық үшін 4 жылға бас бостандығын шектеу түрінде жаза тағайындалды.
"Аталған тұлғалар 2021-2022 жылдар аралығында жүргізуші куәлігін алып беру сылтауымен 8 азаматты алдап, 150 000-300 000 теңге көлемінде ақшаны иемденген. Алынған ақшаның жалпы сомасы 1,2 млн теңгені құрайды. Үкім заңды күшіне енді", делінген ведомство хабарламасында.
Антикор қабылданып жатқан шаралар аясында, мамандандырылған ХҚКО-ларда құжаттарды рәсімдеу бойынша делдалдардың заңсыз әрекеттеріне назар аударады.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
