Алматы – Өскемен тас жолында жүк көлігі аударылып, жүргізушісі қаза тапты
Сурет: polisia.kz
Жетісу облысында Алматы – Өскемен тас жолында жүк көлігі аударылып, жүргізушісі оқиға орнында қаза тапты, деп хабарлайды Zakon.kz.
Өңірлік ПД баспасөз қызметінің хабарлауынша, республикалық тас жолдың 400-шақырымында MAN F2000 жүк көлігін тізгіндеген 23 жастағы Өскемен қаласының тұрғыны, алдын ала болжам бойынша, рөлге ие бола алмай қалған. Салдарынан жүк көлігі аударылып, оның жүргізушісі оқиға орнында қаза тапты.
"Қазір бұл факті бойынша қажетті сараптамаларды тағайындай отырып, ҚР ҚК-нің 345-бабында (Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы, абайсызда адам өліміне әкеп соққан іс-әрекет) бойынша көзделген сотқа дейінгі тергеп-тексеру басталды", делінген хабарламада.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
