Заңсыз балық аулаған талдықорғандық қылмыстық жазаға тартылатын болды
![Пілмай балығы, заңсыз балық аулау, Талдықорған, сурет - Zakon.kz жаңалық 20.09.2023 20:27](https://kaz.zakon.kz/pbi/WEBP/2023-12-20/file-bee20a0f-69d0-4405-bf73-f311c23a7f35/800x449.webp)
43 жастағы ер адам тізгіндеген BMW көлігінен полицейлер заңсыз ауланған балықты тәркіледі, деп хабарлайды Zakon.kz.
Өңірлік ПД баспасөз қызметінің хабарлауынша, тәркіленген балықтардың бірі Қазақстан Республикасының Қызыл кітабына енген, салмағы 9 келіден асатын бекіре тұқымдасты болып шықты.
Браконьерлік жолмен ауланған балықты тиеп алған автокөлік Талдықорған-Үштөбе тас жолының 40-шы шақырымында ұсталды.
"Сараптама тәркіленген бекіре тұқымдас пілмай балық екенін растады. Болжам бойынша, Қаратал өзенінің төменгі ағысында балық аулауға тыйым салынған жерде балық аулаған. Қазір сотқа дейінгі тергеу амалдары басталды", - деді Жетісу облысы ПД табиғатты қорғау полициясының аға инспекторы Бағлан Рымжанов.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript