Төбелес кезінде тапаншамен адамдарды жарақаттап, жасырынып жүрген екеу ұсталды

Күдікті, Ұлытау облысы, кісі өлтіруге оқталған, сурет - Zakon.kz жаңалық 20.09.2023 21:55

Сурет: Telegram/POLISIA.KZ

Адам өлтіруге оқталғаны үшін үш жыл іздеуде жүрген күдіктілерді Ұлытау облысының полицейлері ұстады, деп хабарлайды Zakon.kz.

Ұлытау облысы ПД Ұйымдасқан қылмысқа қарсы күрес басқармасының қызметкерлері Жамбыл облысындағы әріптестерімен бірлесіп Жезқазған қаласының тумалары, 31 және 35 жастағы екі ер адамды ұстады.

"Ұсталғандар 2020 жылы маусым айында Қарағандыда екі адамды өлтіруге әрекеттеніп, қастандық жасады деп күдікке ілінген. Тұрғын үй кешендерінің бірінің автотұрағында күдіктілер жәбірленушілермен жанжалдасып, сол кезде олар бірнеше рет оқ атып, қашып кеткен. Оқ жарақатынан зардап шеккендер медициналық мекемеге жеткізілген. Күдіктілерге қатысты қамауға алу түріндегі бұлтартпау шарасы тағайындалды. Қазіргі уақытта тергеу шаралары жүргізілуде".Ұлытау облысы ПД бастығы Қайыркен Әлиев