ҰҚК Қазақстан арқылы Еуропа елдеріне бағытталған заңсыз көші-қон арнасының жолын кесті

2023 жылы 18 қыркүйекте Алматы қаласында Ұлттық қауіпсіздік комитеті заңсыз көші-қон арнасын ұйымдастырды және пара берді деген күдікпен Қазақстанның екі азаматы мен шетелдікті ұстады, деп хабарлайды Zakon.kz.

ҰҚК мәліметінше, тінту барысында қолдан жасалған құжаттар, сондай-ақ бірқатар шет мемлекеттердің өткізу пункттерінің күні көрсетілген мөртабан таңбалары анықталды.

"Материалдар Қылмыстық кодекстің 367 және 394-баптары бойынша Сотқа дейінгі тергеп-тексерудің бірыңғай тізіліміне тіркелді. Қылмыстық-процессуалдық кодекстің 201-бабы 1-бөлігіне сәйкес өзге ақпарат жария етуге жатпайды", делінген 26 қыркүйекте ҚР ҰҚК баспасөз қызметі таратқан хабарламада.

Тергеу болжамы бойынша, олар заңсыз мигранттарды Қазақстан аумағы арқылы Еуропа елдеріне өткізуді жоспарлаған.

Сурет: ҚР ҰҚК