ҚР ІІМ түрмелер есірткімен ұсталған жасөспірім қыздарға толы деген сыбысқа қатысты түсінік берді

Stopfake-нің мәліметінше, әлеуметтік желіде Қазақстан түрмелерінде 14 жастан асқан жасөспірім қыздар көп деп мәлімдеген қыздың видеосы тараған. Видео авторының айтуынша, олардың барлығы есірткіні жасырын орынға "қойып кетумен" айналысқаны үшін бас бостандығынан айырылған. ҚР ІІМ бұл ақпаратты жоққа шығарды.

"Таралған ақпарат шындыққа жанаспайды. Бүгінгі таңда кәмелетке толмағандарды ұстауға арналған пенитенциарлық мекемелерде 5 қыз бар. Олардың біреуі ғана есірткі заттарының заңсыз айналымына байланысты қылмыс жасағаны үшін жазасын өтеп жатыр", – деп хабарлады ведомствоның баспасөз қызметі.

Бұған дейін жасырын орынға есірткі "қоюшы" 17 жасар теміртаулық студенттің жеті жылға сотталғаны хабарланған болатын. Ол Теміртауда синтетикалық есірткіні жасыратын орындарды "толтырумен" айналысқан. Заңсыз әрекеті әшкере болған студент қыз ұсталды. Кәмелетке толмаған қыздың жанынан есірткі және ішінде қылмыстың сипатын айқындайтын суреттер бар смартфон табылды. 

Оқи отырыңыз

Конституциялық сот Салық кодексінен Ата заңды бұзатын норманы анықтады

11:10, 27 шілде 2024

Пайдакүнемдік-зорлық сипатындағы қылмыс: Таразда полиция қылмыскерді іздестіріп жатыр

10:24, 27 шілде 2024

Шымкенттегі Мұз сарайына қатысты дауға нүкте қойылды

21:20, 26 шілде 2024