Алматыға қыдырып келген оңтүстік кореялық жігітке 172 500 теңге көлемінде айыппұл салынды

Алматы әуежайы, Алматы-Сеул, оңтүстік кореялық, айыппұл, темекі шегу, сурет - Zakon.kz жаңалық 14.11.2023 19:00

Сурет: polisia.kz

Сеул – Алматы бағытындағы әуе рейсі ұшып келгеннен кейін Алматы қаласы әуежайындағы желілік полиция бөлімінің қызметкерлеріне Air Astana әуекомпаниясы өкілінің актісі бойынша құқық бұзушы берілді, деп хабарлайды Zakon.kz.

Тексеру барысында полицейлер әуе кемесінің дәретханасында темекі шеккен 24 жастағы Оңтүстік Корея азаматын анықтады.

"Шетелдік азаматқа ҚР ӘҚБтК-нің 441-бабының 1-2-бөлігі, яғни әуе кемесінің бортында темекі өнімдерін тұтыну бойынша әкімшілік хаттама толтырылып оған 50 АЕК (172 500 тг) мөлшерінде айыппұл салынды", делінген полиция хабарламасында.

Айта кетсек, ұшақ бортында темекі шегуге тыйым салынады және бұл 50 айлық есептік көрсеткіш мөлшерінде айыппұл салуға әкеп соғатын әкімшілік құқық бұзушылық ретінде қарастырылады.

Оқи отырыңыз