Қостанай облысында сот үкімін орындаушылар қайтыс болған азаматтардың қарызын өндіріп алмақ болды

Қостанай облысының прокуратурасы, сот үкімін орындаушы, қайтыс болған борышкер, сурет - Zakon.kz жаңалық 22.11.2023 11:30

Сурет: pixabay

Қостанай облысындағы сот орындаушылар қайтыс болған азаматтардан алимент пен айыппұл өндіріп алмақ болған. 400-ге жуық облыс тұрғыны қайтыс болғаннан кейін де борышкерлер тізілімінен шығарылмаған, деп хабарлайды Zakon.kz.

Қостанай облысы прокуратурасының баспасөз қызметінің 22 қараша күні мәлімдеуінше, тексеру кезінде сот үкімін орындаушылар қайтыс болған борышкерлерге қатысты атқарушылық іс жүргізуді тоқтатпағанын анықтады.

Прокуратураның анықтауынша, қайтыс болған 13 алимент өндіріп алушыға қатысты өндіріп алушыны ауыстыру туралы мәселе шешілмеген,қайтыс болған борышкерлерге қатысты жалпы сомасы 5 млн теңгеден асатын әкімшілік айыппұлдар бойынша 264 іс тоқтатылмаған, мемлекет кірісіне 4,6 млн теңге өндіріп алу туралы 94 іс тоқтатылмаған.

"Заңды сақтамау салдарынан қайтыс болған 390-нан астам борышкер борышкер болып қала береді. Осы факт бойынша жеке сот орындаушыларының өңірлік палатасының атына заң бұзушылықтарды жою туралы ұсыныс енгізілді. Қадағалау актісі қаралу кезінде".Қостанай облысының прокуратурасы

Заң бойынша, егер құқықтық қатынастар мұрагерлікке жол берсе, сот орындаушысы өндіріп алушы қайтыс болған жағдайда бір жұмыс күні ішінде атқарушылық іс жүргізуді тоқтата тұруға міндетті.

Оқи отырыңыз