Жаңалықтар тізбегі
0

"Артур арқылы...". Көлік саудасында алаяқтықтың жаңа түрі пайда болды

Көлік саудасында алаяқтықтың жаңа түрі пайда болды Сурет: freepik
Ақтөбе облысы полиция департаментінің баспасөз қызметі автокөлік сатып алушылар мен сатушыларға ескерту жасады. Құқық қорғау органдары алаяқтықтың жаңа схемасы пайда болғанын айтады, деп хабарлайды Zakon.kz.

Сонымен қатар, тәртіп сақшылары автокөлікті сатып алушы мен сатушыны бір уақытта алдаған адамның аудио жазбасын ұсынды.

"Көлігін сатқысы келген ақтөбелік бұл туралы танымал сайтта хабарландыру жариялайды. Оған өзін "Артур" деп таныстырған адам хабарласады. Ер адам көліктерді сатып алып, қайта сатумен айналысатынын айтып, өз тұтынушыларының бірі оның көлігіне қызығушылық танытқанын айтады. Ол автокөлік иесінің нарықтық құннан жоғары атаған бағасына тез келісіп, одан сайттағы сурет пен хабарландыруды дереу арада жоюды сұрайды. Ер адам мұны былай түсіндіреді: ол сайттағы жарнаманы көрмеуі тиіс тұтынушысына суретті ұсынады, өйткені ол көліктің бағасына тағы үстеме ақы қосады. Көлік иесі ешнәрседен күдіктенбестен оның барлық шартын орындайды". Ақтөбе облысы ПД баспасөз қызметі

Осыдан кейін қаскөй жарнама сайтына ол көлікті қайта орналастырады, бірақ өз атынан және бағаны нарықтық бағадан төмен көрсетеді. Хабарландыруға ақтөбелік жас жігіт қызығушылық танытады.


"Ол телефон арқылы "сатушымен" байланысұа шығып, барлық мәліметті талқылап, көлікті көруге ниет білдіреді. Өтірікші-сатушы оған көліктің туысының үйінің ауласында тұрғанын айтады. Содан кейін ол дереу автокөлік иесіне-сатушыға қоңырау шалып, сатып алушыны оған жібергенін жеткізеді. Сондай-ақ  алаяқ нақты сатушыға өзін туысы деуін, сатып алушының автокөліктің жағдайы мен бағасына қатысты сұрақтарына жауап бермеуін, көліктің иесі "Артур" екенін, сондықтан барлық сұрақтарды соған қою керектігін айтуды тапсырады. Алаяқ сатып алушы ақша аударған соң өз үлесін алып қалып, қалған бөлігін бірден автокөлік иесінің шотына аударатынын айтып сендіреді". Ақтөбе облысы ПД баспасөз қызметі

Бұл жағдайда сатушы да, сатып алушы да өздерін алаяқ алдап жүргенін аңғармаған. Сатып алушы нақты сатушының қасында отырып, оның келісімімен жалған сатушы-алаяқтың шотына автокөлік ақысын аударған. 

"Алданған сатушы моральдық шығынға ұшырады, ал сатып алушы ақшасыз әрі көліксіз қалды. Алаяқтық фактісі бойынша ҚР ҚК-нің 190-бабы бойынша қозғалған қылмыстық іс шеңберінде тергеу шаралары жүргізілуде". Ақтөбе облысы ПД баспасөз қызметі
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: