Астанада жоғалып кеткен 18 жасар жігіт Алматы маңындағы ауылдан табылды

Жоғалған 18 жасар жігіт, Астана, такси, Алматы, Іргелі ауылы, сурет - Zakon.kz жаңалық 19.12.2023 20:43

Сурет: видеодан алынды

Астанада жоғалып кеткен 18 жастағы такси жүргізушісін елордалық полицейлер Алматы облысының Іргелі ауылындағы ойын клубынан тапты, деп хабарлайды Zakon.kz.

"Патриот" порталы жазғандай, тәртіп сақшылары барлық бейнекамераны қарап, көптеген куәгерден сұрақ-жауап алған. Жігіт алдымен Астанадан клиентті алып, Қарағандыға барғаны анықталды. Содан кейін 18 жастағы такси жүргізушісі Алматыға бет алған. Полицейлер Қарағанды мен Алматы арасында тас жол бойындағы әрбір кафеге, қонақ үйге соққан.

"Жігіт туыстарына қоңырау шалмаған, мұны маңызды деп санамаған. Ал бұл уақытта ата-анасы шарқ ұрып, тәртіп сақшыларын аяғынан тік тұрғызған. Жігіт мінген Chevrolet cobalt көлігі өзінікі емес, ол таксофирмадан жалға алынған. Ол жазаланбайды. Өйткені Қылмыстық кодексте де, Әкімшілік кодексте де "жауапсыздық" пен "бәріне қол сілтегенім бар дегендерге" баптар қарастырылмаған", делінген хабарламада.

Оқи отырыңыз