Жаңалықтар тізбегі
0

Жамбыл облысында "АвтоУраган-МС" мобильді кешенін тиімсіз пайдалану фактілері анықталды

АвтоУраган-МС, мобильді кешені, Жамбыл облысы Сурет: pixabay
Жамбыл облысының прокуратурасы "АвтоУраган-МС" мобильді кешенін тиімсіз пайдалану фактілерін анықтады. Бұл құрылғы нөмір белгілерін танып, сурет және бейне тіркеуді жүзеге асыруы керек, бірақ іс жүзінде бір ғана құқық бұзушылықты анықтады, деп хабарлайды Zakon.kz.

Жамбыл облысының прокуратурасында "Әкімшілік айыппұлдардың, әсіресе арнайы техникалық бақылау-өлшеу құралдары арқылы салынған сомалардың өндірілу тиімділігі" тақырыбында үйлестіру кеңесі өтті.

Жамбыл облысының прокуратурасы "АвтоУраган-МС" мобильді кешенін тиімсіз пайдалану фактілерін анықтады.

"Бұл кешен жол қозғалысы ережелерін бұзудың 16 түрін анықтау үшін аумақтағы көлік құралдарын автоматты түрде фотобейнефиксациялауды жүргізуі тиіс. Алайда іс жүзінде көрсетілген кешен облыс аумағында бұзушылықтың тек бір түрін (жылдамдықты асыруы) тіркейді", делінген хабарламада.

2022-2023 жылдар кезеңінде облыстық Полиция департаменті 15 мобильді кешенін сатып алды.

Кешеннің толыққанды жұмыс істеуі үшін жол белгілерінің әрекет ету аймақтарын көрсететін электрондық карта қажет екені белгілі болды. Облыстық прокуратура мәліметінше, бұл кемшіліктер құқық бұзушылықтың алдын алу және облыс аумағында құқықтық тәртіпті қамтамасыз ету бойынша қабылданып жатқан шараларға да кері әсерін тигізеді. Облыс прокуратурасы тиісті шара қолдану қажеттілігі туралы прокурорлық қадағалау актісін енгізді.

Жамбыл облысының прокуроры шетелдік автокөлік құралдарының иелерінен әкімшілік айыппұлдарды өндіріп алудың тиімсіздігін атап өтті.

"Прокурорлық тексеру нәтижелері 2021 жылдан бастап бүгінгі күнге дейін облыс аумағында анықталмаған шетелдік автокөлік құралдарымен жасалған 56 945 құқық бұзушылықтар бойынша мемлекет бюджетіне 1,4 млрд астам теңге өндірілмегенін көрсетті. Осы материалдар бұзушы бойынша мәліметтер анықталмауына байланысты тоқтатылып, айыппұлдар өндірілмей, ол құқық бұзушылар көзделген жауаптылыққа тартылмаған". Жамбыл облысы прокуратурасы

Осыған байланысты облыс прокуратурасы мемлекеттік шекарада осындай автокөлік иелерін анықтау мақсатында тиісті бақылауды жүзеге асыру және уақтылы шаралар қабылдау үшін "ЕРАП" және "Бүркіт" жүйелерін біріктіруді ұсынды.

 

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: