ҰҚК елімізде терроризмді насихаттаушы күдіктілерді ұстады

Ұлттық қауіпсіздік комитеті елімізде терроризмді насихаттау күдігі бойынша екі адамның ұсталғанын жеткізді, деп хабарлайды Zakon.kz.

2024 жылы 6 наурызда ҰҚК прокуратура органдарының үйлестіруімен және полицияның көмегімен Шымкент қаласының екі тұрғынын ұстады.

"Олар әлеуметтік желі арқылы терроризмді насихаттағаны үшін күдіктелуде", делінген хабарламада.

Тергеу материалдары бойынша ертеректе ұсталғандардың біреуі алыс шет елдерге шығып, шамамен сол жерде радикалды діни идеологияны қабылдаған. 

ҚР Қылмыстық кодекстің 256-бабы 2-бөлігі бойынша сотқа дейінгі тергеп-тексеру жүргізілуде.

Өзге ақпарат Қылмыстық-процестік кодекстің 201-бабы 1-бөлігіне сәйкес жария етілмейді.