Мемлекеттік қызметкерлерге қатысты жаңа шектеу түрі енгізілді
Сурет: freepik
Қазақстанда мемлекеттік қызметкерлер құмар ойын ойнай алмайды. Бұл туралы 22 сәуірде Мәжіліс дәлізінде журналистерге берген сұқбатында депутат Елнұр Бейсенбаев айтты, деп хабарлайды Zakon.kz.
Осындай норма Ойын бизнесі, лотереялар және лотерея қызметі мәселелері жөніндегі заң жобасына енген.
"Шектеу барлық мемлекеттік қызметкерлерге қатысты болады. "Сыбайлас жемқорлыққа қарсы іс-қимыл туралы" заң бар, оның шеңберінде "сыбайлас жемқорлыққа қарсы шектеулер" деген 12-бап бар. Мемлекеттік қызметкерлер, арнаулы мемлекеттік органдардың әскери қызметшілері, бұл - шамамен 220 мың адам кез келген құмар ойынды: букмекерлік кеңсені, казиноны және онлайн-казиноны пайдалана алмайды", - деді Елнұр Бейсенбаев.
Ол Қазақстанда, негізінен, онлайн-казино қызметіне тыйым салынғанын еске салды. Алайда, жаңа түзетулер бойынша олардың ұйымдастырушылары үшін қылмыстық жауапкершілік көзделетін болады.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
