Қазақстан ТМД-мен арадағы биологиялық қатерлерге қарсы тұру туралы келісімді ратификациялады

"Мемлекет басшысы "Тәуелсіз Мемлекеттер Достастығына қатысушы мемлекеттердің қоғамдық денсаулық сақтау саласындағы санитариялық-эпидемиологиялық сипаттағы төтенше жағдайлардың алдын алу және оларға ден қою жөніндегі ынтымақтастығы туралы келісімді ратификациялау туралы" Қазақстан Республикасының Заңына қол қойды", делінген Ақорда хабарламасында.

2024 жылы 25 сәуірде Сенаттың жалпы отырысында "Тәуелсіз Мемлекеттер Достастығына қатысушы мемлекеттердің қоғамдық денсаулық сақтау саласындағы санитариялық-эпидемиологиялық сипаттағы төтенше жағдайлардың алдын алу және оларға ден қою жөніндегі ынтымақтастығы туралы келісімді ратификациялау туралы" Заңы мақұлданғаны хабарланған.

Құжат Тәуелсіз Мемлекеттер Достастығына қатысушы мемлекеттердің қоғамдық денсаулық сақтау саласындағы ынтымақтастықты және биологиялық қатерлерге қарсы іс-қимылдың ұжымдық жүйесін дамытудың құқықтық негіздерін нығайтуға бағытталған.

Құжат эпидемияға қарсы бригаданы төтенше жағдай аймағына көшіру, мемлекеттік шекара арқылы басымдықпен өткізу, жабдықтар мен шығыс материалдары транзиті, жеке құрамның еңбегіне ақы төлеу және оларды сақтандыру, тамақ және орналасқан жерді қорғау мәселелерін реттейді.

Заң қабылданғаннан кейін қоғамдық денсаулық сақтау саласындағы санитариялық-эпидемиологиялық сипаттағы төтенше жағдайларға мониторинг және шұғыл ден қою жүйесін қалыптастыру бағытында оңтайлар нәтижелер болады деп ескерілген.

Оқи отырыңыз

БҚО тұрғыны алаяқтан бүкіл аурудан емдейтін "ғажап көрпені" 150 мың теңгеге сатып алған

22:06, 17 мамыр 2024

Есірткіні кофе орамасына салып, елордадан Көкшетауға жеткізбек болған жас ұсталды

20:33, 17 мамыр 2024

Астанада пара беруге итермелеген қос алаяқ сотталды

19:09, 17 мамыр 2024