Павлодар облысында педофил 20 жылға сотталды
Сурет: pexels
2024 жылы 13 мамырда Павлодар облысы қылмыстық істер жөніндегі мамандандырылған ауданаралық соты сотталушы М-ға қатысты жас балаға сексуалдық сипаттағы зорлық-зомбылық әрекеттерін жасау фактісі бойынша қылмыстық істі қарады, деп хабарлайды Zakon.kz.
Сот отырысы жабық есік жағдайында өтті.
Сотталушы М. кінәсін мойындамай, ақтау үкімін шығаруды сұрады.
Сотталушының кінәсі жәбірленушінің, куәлардың айғақтарымен, іс бойынша жүргізілген сараптамалармен және сотта зерттелген басқа да дәлелдемелермен дәлелденеді.
"Қылмыс аса ауыр қылмыстар санатына жатады және 20 жылға немесе өмір бойына бас бостандығынан айыру түріндегі жазаны көздейді. Сот жауаптылықты жеңілдететін мән-жайларды – соттылығының болмауын, жас болуын және жауаптылықты ауырлататын мән-жайлардың жоқтығын ескере отырып, М-ға 20 жыл бас бостандығынан айыру түріндегі жазаны тағайындады.Талап қою ішінара қанағаттандырылды, моральдық зиянды өтеу ретінде жәбірленушінің пайдасына 3 миллион теңге өндірілді", делінген сот хабарламасында.
Үкім заңды күшіне енген жоқ.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
