Есірткіні кофе орамасына салып, елордадан Көкшетауға жеткізбек болған жас ұсталды

Кофе орамасы, есірткі, Астана, Көкшетау, сурет - Zakon.kz жаңалық 17.05.2024 20:33

Сурет: polisia.kz

Елордалық жасырын есірткі қоюшы синтетиканы кофе пакеттеріне салып, тасымалдаған. Оның заңсыз қызметін көкшетаулық есірткі полицейлері әшкереледі, деп хабарлайды Zakon.kz.

ҚР ІІМ баспасөз қызметінің хабарлауынша, курьер мінген автокөлікті жедел уәкілдер облыс орталығының аумағына кірген кезде ұстады.

"Полиция қызметкерлері тыйым салынған заттармен 148 орамды анықтап, тәркіледі. Салушы синтетикамен орамдарды жасыру үшін ерігіш кофенің пакеттеріне жасырған және сол брендтің кофе қораптарында тасымалданған", делінген хабарламада.

Тәркіленген есірткінің нақты салмағы сот-химиялық сараптамадан кейін анықталады. Осы жерде жедел уәкілдер екі ұялы телефонды тәркіледі, олардың көмегімен елордалық куратормен хат алмасып, бетбелгі қойылған жерлерді суретке түсірді.

"Есірткі салушы шамамен үш ай бұрын жұмысқа орналасқан, ол елордада тыйым салынған заттарды сатып алып, содан кейін оларды тарату үшін Көкшетауға келген кезде, ұсталды", делінген полиция хабарламасында.

Қазіргі уақытта сотқа дейінгі тергеп-тексеру жүргізілуде.

Оқи отырыңыз