Ақтөбе облысында кәсіпкерлерге негізсіз кедергі келтірген шенеуніктер жазаланды

Шенеунік, Ақтөбе облысы, кәсіпкерлерге кедергі жасау, жаза, сурет - Zakon.kz жаңалық 31.05.2024 19:48

Сурет: unsplash

Ақтөбе облысы прокуратурасы 40-тан астам кәсіпкердің жер телімдерін жалға беру мерзімін ұзарту туралы өтініштерін қарауды негізсіз кешіктіруге байланысты бизнестің жүйелі проблемасын анықтады, деп хабарлайды Zakon.kz.

Облыстық прокуратураның хабарлауынша, "Демеу Проект" ЖШС-гі жергілікті атқарушы органға жер телімін жалға беру мерзімін ұзарту туралы өтініш берген, ал Алға ауданы әкімдігі бұл мәселені бір айдан кейін ғана жер комиссиясының қарауына жолдаған.

"Ал, жер учаскесін жалдау мерзімін ұзарту туралы өтінішті қабылдау қағидаларының 4 және 6-тармақтарына сәйкес, жер учаскесін жалға беру мерзімін ұзарту мәселесі 7 күн ішінде және жер комиссиясының шешімінсіз қаралады", делінген хабарламада.

Ақтөбе облысы прокуратурасының араласуынан кейін 40-тан астам кәсіпкердің құқығы қорғалып, әкімдікте жер телімдерін жалға беру мерзімін ұзарту мәселесі заңда белгіленген мерзімде қаралды.

Қазіргі таңда, прокурорлық қадағалау шаралары арқылы бұл тәжірибе жойылып, лауазымды тұлғалар қатаң тәртіптік жауапкершілікке тартылғаны да нақтыланады.

Оқи отырыңыз