Ақтөбеде балаларға бұрыш спрейін шашқан жасөспірім ұсталды
Сурет: Zakon.kz
Ақтөбеде Қазақстан мен Ресей шекарасынан өту кезінде іздеудегі жасөспірім ұсталды. Ол көшедегі таныс емес балаларға тап беріп, бұрыш спрейін шашты деген күдікке ілінген , деп хабарлайды Zakon.kz.
Оқыс оқиға 2024 жылдың 6 шілдесінде болған. Әлеуметтік желіде тараған видеода бозбала екі ұл балаға жақындап келіп, оларға қарай бұрыш спрейін шашады, содан соң балалардың шырқыраған жан дауысы шығады.
"Жедел-іздестіру іс-шараларының нәтижесі бойынша Ақтөбе облысының полиция қызметкерлері шекарадан өтпек болған кезде кәмелетке толмаған күдіктіні ұстады", деп хабарлады Ақтөбе облысы полиция департаментінің баспасөз қызметі 2024 жылғы 8 шілдеде.
Құзырлы ведомство жасөспірімнің бұзақылық бабы бойынша іздестірілгенін де нақтылай кетті.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
