Мемлекеттік сектор қызметкерлерінің электронды поштасына фишингтік шабуыл жасалғаны ескертілді

Фишингтік шабуыл, мемлекеттік сектор қызметкерлері, ескерту, МКК, сурет - Zakon.kz жаңалық 24.07.2024 17:47

Сурет: freepik

2024 жылы 23 шілдеде мемлекеттік және квазимемлекеттік сектор қызметкерлерінің электрондық пошталарына фишингтік хат түсу фактісі тіркелді, деп хабарлайды Zakon.kz.

Поштаға хат info@e-salyq-azamat.kz мекен-жайынан "Жалпыға бірдей міндетті декларациялау" тақырыбымен келіп түседі, деп ескертеді ҚР ҚМ Мемлекеттік кірістер комитеті (МКК).

Хатта банктік шоттардың кірістерін, төлем қабілеттілігін және табысын декларациялау, сондай-ақ дербес коэффициенттерді беру жөніндегі заңнамадағы өзгерістер туралы баяндалған. Содан кейін сілтемелер арқылы өтіп сауалнаманы толтыру ұсынылады.

Сондай-ақ, хат қосымшасында парольмен бірге нұсқаулық файлы қоса жіберілген және оны Интернеттегі веб-сайттан жүктеуге болатындығы туралы ақпарат көрсетілген.

"МКК "фишингтік" шабуылдың белгілерін анықтап, осыған байланысты барлық пайдаланушыларға осы хатты ашпауға, көрсетілген сілтемелер бойынша өтпеуге және кірістірілген файлдарды жүктемеуге кеңес береді". ҚР ҚМ МКК баспасөз қызметі

Комитет жалпыға бірдей декларациялау туралы сенімді ақпарат ресми сайтта орналастырылғандығын ескертеді.

Оқи отырыңыз