Ажырасқандар дауы: Дана Атешова сотта басынан өткен оқиғаны баяндап берді
![Сот отырысы, Астана, Дана Атешова, Марат Айтенов, сурет - Zakon.kz жаңалық 26.07.2024 19:29](https://kaz.zakon.kz/pbi/WEBP/2024-07-26/file-9095e9f8-f4a8-4210-b1e3-40bf14190e45/400x225.webp)
Астананы қаласы Қылмыстық істер жөніндегі мамандандырылған сотында 26 шілдеде Шымкент қаласының бұрынғы әкімінің ағасы Марат Әйтеновке қатысты іс қаралды. Оның бұрынғы әйелі Дана Атешова жанжалға қатысты өз көзқарасын білдірді, деп хабарлайды Zakon.kz.
Атешова 12 шілдеде, яғни үйден күштеп шығарылған күні балаларымен бірге қажетті заттарды жинап, сөмкелерге сала бастағанын айтты.
"Біз үйден шығуға дайындалдық. Тек жалғыз нәрсе, біздің жеке заттарымызға қол тигізбей тұра тұруларына келіскіміз келді. Мен үйден шықпай, Жоғарғы сот оң шешім қабылдайды деген үмітпен уақытты созуға тырыстым. Кассациялық шағым түсірдім және балаларды ары-бері сабылтқым келмеді, Жоғарғы соттың шешімін күттім... Бәрі ың-шыңсыз болғанын қаладым. Таңертең таңғы ас дайындап, заттарды жуа бастадым, маған күзетші қоңырау шалып, бізге қарай бірнеше көлік келе жатқанын айтты. Терезеден қарап едім, бірнеше ер адам үйді қоршай бастағанын көрдім", - дейді ол.
Ол осының барлығы таңертең сағат 09:00-де болғанын, ал хабарламада көшіру процедурасы 14:30 деп көрсетілгенін атап өтті.
"Қарасам, балаларым қорқып кетіпті. Оларға: "Қорықпаңдар, қазір тәтелерің келеді, көшіру кезінде бізбен бірге болады", дедім. Мен жеті шелпек пісірмек болғанмын, қазақтың дәстүрі бойынша барлығы жақсы болсын деп ырымдап, соның барлығын асықпай жасайын деп ойлағанмын. Сөйтсем балалар қорқып кеткен, сыртқа шығып, сот орындаушыларынан неге ерте кіріскендерін сұрадым. Сөйтіп заттарымды сыртқа шығара бастадым. Бірақ, біріншіден, олар шыға берісті жауып тастады, яғни заттарды алып кетуге рұқсат бермеді, келген екі тәтемді ішке кіргізбеді. Екі полиция келді. Оларға заттарымды алып кететінімді, шыға берісті ашуды сұрадым. Содан кейін үйге кірсем, қызымның түрі бұзылып кетіпті, қолы мен аяқтары сұп-суық болып, тұншыға бастады. Әйтеновтен қызымды ауруханаға жеткізуді өтіндім. Ал ол оның орнына балаға барып: "Сен қйтіп өтірік істеме, бәрібір үйден шығасыңдар", - деді Атешова.
Оның айтуынша, осы кезде үйден бейбіт шығамыз деген ой бұзылып, у-шу басталған.
"Бір кезде жеке сот орындаушысы есікті ескертусіз бұзып, бірінші қабатты лаң қылды. 50 шақты ер адам үйге баса-көктеп кірдім, ал менің қасымда қолында баласы бар жиенім бар еді. Мен оларға кідіре тұруды өтіндім, бұлай жасауға болмайтынын айттым. Ал олар ыдыс-аяқтарды алып, сөмкелерге лақтыра бастады, қарасам шағылып жатыр. Мен қатты қорқып кеттім, балалар да шошып жылай бастады. Олардың екінші қабатқа да көтерілетінін білдім, балаларымның заттарына, менің заттарыма олардың қолы тигенін қаламадым. Содан олардың жолын кес-кестеп: "Жігіттер, тоқтатыңдар, олай болмайды! Не істеп жатырсыздар? Екінші қабатқа бармайсыздар, бәрін, барлық ережені, барлық заңды бұзып жатырсыздар" дедім", - дейді ол.
Осы кезде, оның айтуынша, Әйтенов қайта оралып, бір сәтте оны ұстап алып, ақыры үйден күштеп шығарған.
"Марат қызына қол созған құсап, бір уақытта менің қолымды шап беріп ұстап алды. Сөйтіп мені күштеп сүйрей бастады. Мен одан сытылып шығып, балаларымның қасына барғым келді. Бірақ онымнан түк шықпады. Балаларды алып шығып кетті, менің жиенімді баласымен де итере-митере сыртқа шығарды. Ал ол (Әйтенов - шамамен ред.) мені ұстап алды, сол сәтте полициядан да, сол арадағы өзге ер адамдардан да көмек сұрадым, жоқ, бәрі болған іске қарап тұрды. Ол мені сүйрей жөнелді, менің ұрылып-соғылып жатқаныма қарамады, ал одан сытылып шығуға тырысқанда, ол мені мықтап ұстап алды, салдарынан орнында көгерген іздер қалды. Үйден шыққан кезде мойным қызарып кеткен, полицияның бәрі формада болды, барлығында жетон бар, содан көруге болады. Егер видеоны алдыртсаңыздар, сонда барлығы анық көрінеді, қалай баспалдаққа басымды ұрып алғаным, мойнымнан немесе басымнан ұстап сүйрегенін, ол араларым бес күндей ауырып жүрді, ал арқам сырқырап ауырды, өйткені онда сырылулар, көгерулер бар. Мені жалғыз Айтенов ұстаған жоқ, оған басқасы да көмектесті. Әйел адаммын, жалғызбын, ал маған екі ер адам жабылды. Ол мені сыртқа шашымнан ұстап сүйреп алып шықты, ал жерге құлаған кезімде, бар денесімен үстіме жата қалды, яғни мен тұрып, қайта үйге оралмас үшін", – деп сөзін түйіндеді ол.
26 шілдеде Астана қаласында сотта Марат Әйтенов те болған оқиғаны егжей-тегжей баяндады.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript