Қарағандыда Кеншілер күніне арналған концерт кезінде 35 бала жоғалып, ата-анасын таппай қалған
Сурет: Қарағанды қаласы ПД баспасөз қызметі
Қарағандыда Кеншілер күніне арналған концерт кезінде 35 бала жоғалып, ата-анасын таппай қалған, деп хабарлайды Zakon.kz.
Өңірлік полиция мәліметінше, сенбі күні қаланың орталық алаңына Кеншілер күніне орайластырылған концерттік бағдарламаны тамашалауға 50 мыңға жуық көрермен жиналды.
"Іс-шара кезінде қоғамдық қауіпсіздікті қадағалауға полиция департаментінің 500 ден астам жеке құрамы жұмылдырылды. Айта кету керек іс-шара кезінде ешқандай құқық бұзушылыққа жол берілген жоқ. Полиция қызметкерлерімен концерт кезінде ата-анасы және жақындарынан адасып қалған 35 бала табылып, туысқандарына қайтарылды", делінген Қарағанды қалалық ПД баспасөз қызметінің хабарламасында.
Айта кетсек, Қарағанды облысының тұрғындары тамыз айының соңғы жексенбісінде дәстүрге сәйкес кеншілер мерекесін атап өтеді. Халық саны миллионға жақындаған кеншілер астанасында сенбінің кешінде Қазақстан және Ресей эстрада жұлдыздарының қатысуымен концерттік бағдарлама ұйымдастырылды.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
