Желідегі видео: Алматыда жолды бөлісе алмаған бір жүргізуші екіншісін аяусыз соққыға жықты

Алматыда екі көлік жүргізушісі арасында болған жанжал аяусыз агрессияға ұласты, деп хабарлайды Zakon.kz.

Әлеуметтік желіде Алматыдағы жол шетіне тоқтаған көлік жүргізушісін аяусыз ұрып-соққан ер адамның видеосы тарады.

Оқыс оқиға 24 тамыз, сенбі күні Әуезов ауданының аумағында болды.

Видеодан жүргізушілердің бірі көлігінен секіріп түсіп, екінші бір жүргізушіге шабуылдап, аяғымен де қолымен де соққылар жасағанын көруге болады.

"Ұрып-соғу фактісі бойынша Әуезов ауданы ПБ жанындағы полиция бөлімі қылмыстық іс қозғады. Күдікті ұсталып, полицияға жеткізілді. Дене жарақаттарының ауырлығын анықтау үшін сот-медициналық сараптама тағайындалды", - деді Алматы ПД баспасөз қызметі.

Посмотреть эту публикацию в Instagram

Публикация от КАСКЕЛЕН И КАРАСАЙСКИЙ РАЙОН (@kaskelenkz)