Ақмола облысында ірі есірткі зертханасының көзі жойылды

Есірткі зертханасы, Ақмола облысы, Ерейментау ауданы, ҰҚК, сурет - Zakon.kz жаңалық 19.10.2024 11:24

Сурет: ҚР ҰҚК баспасөз қызметі

ҰҚК Ақмола облысы бойынша департаменті Ерементау ауданындағы прокуратура органдары үйлестіруімен синтетикалық есірткі өндірісіне қатысты жасырын зертхананың жұмысын тоқтатты, деп хабарлайды Zakon.kz.

ҚР ҰҚК баспасөз қызметінің мәліметінше, есірткі затының кезекті партиясын дайындап жатқан кезінде ұсталып, соттың санкциясымен Қазақстан азаматы қамауға алынды.

"7 келіге жуық "мефедрон" психотропты заты, 100 литрден астам прекурсор, сондай-ақ синтетика жасауға арналған зертханалық жабдықтар тәркіленді", делінген хабарламада.

Қазақстан Республикасы Қылмыстық кодексінің 297-бабының 3-бөлімі бойынша сотқа дейінгі тергеп-тексеру жүргізілуде.

Қылмыстық-процестік кодекстің 201-бабының 1-бөліміне сәйкес өзге ақпарат жария етуге жатпайды.