ТЖМ-ның жоғары шенді лауазымды тұлғалары сотталды
Сурет: pixabay
Ақмола гарнизоны Әскери сотының үкімімен ҚР ТЖМ Өртке қарсы қызмет комитетінің төрағасы Н. Дербисов пен Шымкент қалалық ТЖД бастығы М. Жақсыбаев 5 жылға, Жетісу облыстық ТЖД бастығы Б. Ізбасаров 9 жылға бас бостандығынан айырылды, деп хабарлайды Zakon.kz.
Антикордың 2024 жылы 4 қарашада ұсынған мәліметіне сәйкес, олар бизнес өкілінен кәсіпкерлік қызметіне қамқорлық жасағаны үшін жалпы сомасы 39,7 млн теңге сомасында пара алған.
Сондай-ақ, Б. Ізбасаров 1,7 млн теңге сомасында өзіне қосымша ақшаны заңсыз есептеп билікті асыра пайдаланғаны үшін сотталды.
Сондай-ақ аталған адамдар мемлекеттік қызметте және квазимемлекеттік сектор субъектілерінде лауазымдарды атқару құқығынан айырылғаны да нақтыланады.
Сот үкімі заңды күшіне енген жоқ.
Конституцияның 77-бабы 3-тармағының 1-тармақшасына және Қылмыстық-процестік кодекстің 19-бабы 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әрбір адам кінәсіз деп есептеледі.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
