"Арзан тауарлар чаты". Елордалық WhatsApp арқылы жұртты алдап, 3 млн теңгеге кеңелген

WhatsApp, жалған чат, арзан тауар, Астана, алаяқ әйел, сурет - Zakon.kz жаңалық 18.11.2024 17:46

Сурет: unsplash

Күдікті елорда тұрғындарына Қытай мен Түрікменстаннан халық тұтынатын тауарларды тікелей жеткізуге уәде беретін қылмыстық жоспар құрған. Азаматтарды алдау үшін ол WhatsApp мессенджерінде арнайы топтар ашып, тауарларды нарықтық құннан төмен бағамен жарнамалаған, деп хабарлайды Zakon.kz.

Астана қалалық прокуратурасы тұрғындарға мессенджерлерде төмен бағамен тауарларды тікелей жеткізуге уәде беретін күмәнді мәмілелерден сақ болуды ескертеді.

"Осылайша, 30 адамның 3 млн теңгеден астам қаржысын иемденіп, алаяқ ол ақшаны өз қажеттіліктеріне жұмсаған", делінген прокуратура хабарламасында.

Сотта қылмыстық жауапкершіліктен жалтаруға тырысып, жәбірленушілермен азаматтық-құқықтық қатынаста болғанын көрсетті.

"Мемлекеттік айыптаушы сотталушының бастапқыдан тауар жеткізуді жоспарламағанын және өзіне алған міндеттемелерін орындауға ниеті болмағанын дәлелдеді.Сот үкімімен ол 3 жылға бас бостандығынан айырылды".Астана қаласының прокуратурасы

Келтірілген материалдық шығын сотталғаннан өндіріп алынғандығы нақтыланады.

Оқи отырыңыз