Ақмола облысында ұшты-күйлі жоғалған екі адамның орналасқан жері анықталды
Сурет: polisia.kz
Ақмола облысында хабар-ошарсыз кеткен екі тұрғынның орналасқан жері анықталды, деп хабарлайды Zakon.kz.
21 қарашада Есіл ауданының полиция бөлімінен ер адам көмек сұрады. Ол полиция қызметкерлеріне өзімен бірге тұратын әйелі хабарсыз кеткенін айтып, іздеуге жәрдемдесуді өтінген. Әйел 6 қарашада үйден белгісіз бағытта кетіп, қайтып оралмаған.
Сондай-ақ 22 қарашада полицияға Атбасар ауданының тұрғыны ағасының жоғалғаны туралы арызбен жүгінді. 8 қарашада ол өзінің пәтерінен сыртқа шығып, белгісіз бағытқа қарай кеткен.
"Осы күндері облыста өткізіліп жатқан "Құқықтық тәртіп" жедел алдын алу іс-шарасы аясында полиция қызметкерлері жоғалған адамдардың екеуінің де орналасқан жерін анықтады", делінген полиция хабарламасында.
Ақмола облысының полиция департаменті өңір тұрғындарын өздерінің жоспарлары туралы әрқашан туыстары мен жақындарына хабарлап отыруға шақырады.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
