Полицейлер із-түзсіз жоғалған 19 ақмолалықтың орналасқан орынын анықтады

18 маусымда криминалдық полиция бөлімшелерінің қызметкерлері жедел-іздестіру іс-шаралары барысында Зеренді ауданы ауылдарының бірінің аумағында хабар-ошарсыз кеткен 2006 жылы туған Н.Головашеваның орналасқан орынын анықтады, деп хабарлайды Zakon.kz.

Естеріңізге сала кетейік, бұған дейін Бурабай АПБ кезекші бөліміне 1 маусымда кәмелетке толмаған Надежда Головашева үйден белгісіз бағытта кетіп, оралмағаны туралы өтініш келіп түскен болатын.

Сондай-ақ, 19 маусым Көкшетау қаласының аумағында хабар-ошарсыз кеткен облыс орталығының 32 жастағы тұрғынының орналасқан жері анықталды, ол 6 маусым күні сағат 09.00-де үйінен шығып, қайтып оралмаған.

Жалпы, жылдың басынан бері Ақмола облысының Полиция департаменті хабар-ошарсыз жоғалған облыс тұрғындары бойынша 24 іздестіру ісін тіркеді, олардың 19-ның орналасқан жері анықталды, сонымен қатар, полиция қызметкерлері 18 жасөспірімді үйлеріне қайтарды.