Полицейлер ел азаматтары атына алаяқтық жолмен несие рәсімдеген қылмыстық топты әшкереледі
Сурет: polisia.kz
26 қарашада Ақмола облысында полицейлер өңір азаматтары атына екінші деңгейдегі банктерден несие ресімдеумен айналысқан ұйымдасқан қылмыстық топты әшкереледі, деп хабарлайды Zakon.kz.
Ұйымдасқан қылмысқа қарсы күрес басқармасының қызметкерлері ұстау шарасын Көкшетау және Алматы қалаларында өткізді.
"Барлығы жедел қызметкерлер қылмыстық топтың 5 мүшесін ұстады және уақытша ұстау изоляторына қамады. Жедел уәкілдердің айтуынша, бірнеше ай бойы төрт ақмолалық пен оңтүстік астананың тұрғыны негізінен ауылдық жерлерден адамдарды тауып, алдау жолымен олардың атына ірі көлемде несие рәсімдеген". ҚР ІІМ баспасөз қызметі
Сенімге қиянат жасаудан басқа, жәбірленушілерді Алматы қаласына әкетіп, жылдам табыс табуға уәде берген.
Бүгінгі таңда топтың қылмыстық әрекетінен зардап шеккен 7 адам белгілі болды. Полицейлердің айтуынша, құрбандардың нақты саны әлі де анықталып жатыр.
"Құқық қорғау органдарының қызметкерлері тінту іс-шаралары кезінде қолма-қол ақшаны, травматикалық және суық қаруды, сондай-ақ телефондарды, флэш-карталарды және банктік келісімдерді тауып, тәркіледі. Ұйымдасқан қылмыстық топтың құрамында жасалған алаяқтық фактісі бойынша сотқа дейінгі тергеп-тексеру жүргізіліп жатыр. Барлық бес қатысушы ұсталып, уақытша ұстау изоляторына қамалды. Тергеп-тексеру аясында полиция қызметкерлері жәбірленуші азаматтардың санын және залалдың жалпы сомасын анықтап жатыр", делінген ресми хабарламада.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
