Шетелде іздеу жарияланған ер адам Алматыда ұсталды

Алматы қаласының халықаралық әуежайында ақшаны иемдену және жалған құжаттар дайындау жолымен ақшаны жымқырғаны үшін халықаралық іздеуде жүрген шетелдік ұсталды, деп хабарлайды Zakon.kz.

Көрші мемлекеттің құқық қорғау органдарымен іздеуде жүрген ер адам ІІМ Интерпол ҰОБ-ның сұрауы бойынша желілік полиция бөлімінің қызметкерлері Өзбекстанның құқық қорғау органдарымен бірлесіп ұстады.

"Ер адам 2022 жылдың қаңтарынан 2023 жылдың сәуіріне дейін құжаттарды қолдан жасау арқылы 162 миллион сум ұрлап кеткен". ҚР ІІМ баспасөз қызметі

Айта кетсек, 30 желтоқсанда Ұлттық банк азаматтардың жеке деректері мен банктік шоттарын біліп алу үшін алаяқтардың жаңа схемаларды пайдалана бастағанына көптің есіне салды.