Жамбыл облысында алаяқтық жолмен өзгенің 2,7 млн теңгесін иемденген күдікті ұсталды

Жамбыл облысының полиция қызметкерлері облыстық прокуратурамен бірлесіп 2,7 млн теңгеден астам қаражатты алаяқтық жолмен иемденген күдіктіні анықтады, деп хабарлайды Zakon.kz.

Полиция мәліметінше, белгісіз тұлға өзін техникалық жабдықтау компаниясының қызметкері ретінде таныстырып, жәбірленушіге бөліп төлеу арқылы тауар рәсімдеп беруді сылтауратып, екінші деңгейлі екі банктен 1 200 000 және 1 559 000 теңге көлемінде несие рәсімдеткен.

"Аталған дерек бойынша ҚР ҚК-нің 190-бабының 2-бөлігімен (Алаяқтық) сотқа дейінгі тергеп-тексеру амалдары басталды, нәтижесінде қылмысқа қатысы бар 22 жастағы Алматы қаласының тұрғыны анықталды". ҚР ІІМ баспасөз қызметі

Қазіргі таңда жәбірленушіге материалдық залал қайтарылып, тергеп-тексеру аяқталғаны нақтыланады.

 "Матрешка" схемасы: қазақстандықтарға алаяқтықтың жаңа түрі туралы ескертілді.