ТЖМ-ға жаңа функциялар қосылды

Үкіметтің 2025 жылғы 14 сәуірдегі қаулысымен Қазақстан Республикасы Төтенше жағдайлар министрлігі туралы ережеге өзгерістер мен толықтырулар енгізілді, деп хабарлайды Zakon.kz.

Атап айтқанда, министрлікке жаңа функциялар қосылды:

• азаматтық қорғау органдары қызметкерлерін жоспардан тыс аттестаттаудан өткізу тәртібін, кезеңдері мен мерзімдерін бекітеді;
• құқық қорғау органдарының басшыларымен бірлесіп психологиялық-социологиялық зерттеу жүргізу тәртібі мен әдістерін бекітеді.

Келесі тармақша жаңа редакцияда жазылды:

• азаматтық қорғау органдарына қызметке кандидаттың кәсіби құзыреттерін, негізгі көрсеткіштерін айқындау және бәсекеге қабілеттілік көрсеткішін (цифрлық рейтинг) есептеу тәртібі мен әдістерін бекітеді.

Қаулы қол қойылған күнінен бастап қолданысқа енгізіледі.